Азийн орнуудын Мэдээллийн технологийн мэргэжилтнүүдийн шалгалтын зөвлөл (ITPEC)-ийн 2009 оны намрын нэгдсэн шалгалт өнгөрсөн 10-р сарын 18-ны өдөр Азийн 6 оронд явагдлаа.
Уг шалгалт нь Монгол улсад Мэдээллийн технологийн инженерийн суурь шалгалт (МТИСШ)-ын ангиллаар амжилттай зохион байгуулагдаж, шалгалтанд нийт 36 хүн бүртгүүлсэнээс өглөөний шалгалтанд 36, өдрийн шалгалтанд 33 шалгуулагч тус тус оролцов.
МТИСШ-д шалгуулагчдын мэдлэг ба ур чадварыг өглөөний болон өдрийн шалгалтаар тус тусад нь үнэлэн, тус хоёр шалгалтад хоёуланд нь тэнцсэн тохиолдолд тухайн шалгуулагчийг амжилттай дүн үзүүлсэнд тооцдог. Энэ удаагийн шалгалтын дүнгээр 2 шалгуулагч буюу нийт шалгуулагчдын 5.6 хувь нь амжилттай дүн үзүүлж тэнцжээ.
Шалгалтын дүнг үзүүлбэл:
МТИСШ | Шалгуулагчдын тоо | Амжилттай шалгуулагчид | |
тоогоор | хувиар | ||
Өглөөний буюу мэдлэгийн шалгалт | 36 | 4 | 11.1 |
Өдрийн буюу ур чадварын шалгалт | 33 | 5 | 15.2 |
Ерөнхий дүн | 36 | 2 | 5.6 |
Шалгуулагч нь өглөөний болон өдрийн шалгалтын аль нэгэнд тэнцсэн бөгөөд нэг жилийн дотор зөвхөн тэнцээгүй шалгалтаа дахин өгч амжилттай дүн үзүүлбэл тухайн шалгуулагчийг МТИСШ-д мөн адил тэнцсэнд тооцдог журамтай. Энэ удаагийн шалгалтад уг журмын дагуу 3 шалгуулагч ур чадварын шалгалтыг өгч оролцлоо.
Нийт шалгуулагчдын 50 гаруй хувь нь МТ-ийн чиглэлээр мэргэжилтэн бэлтгэдэг их сургуулиудын оюутнууд байсан бөгөөд тэнцэгч 2 хүний 1 нь мөн оюутан байв.
Мэдээллийн технологийн үндэсний парк
No comments:
Post a Comment