Азийн орнуудын Мэдээллийн Технологийн Мэргэжилтнүүдийн Шалгалтын Зөвлөл (ITPEC) -ийн 2007 оны хаврын нэгдсэн шалгалт 4-р сарын 01-ний өдөр Азийн 5 улсад нэгэн зэрэг явагдсан билээ. Манай оронд 2 дахь удаа сорилын журмаар зохион байгуулагдсан Мэдээллийн технологийн инженерийн суурь шалгалтанд оролцохоор 217 хүн бүртгүүлсэнээс 140 хүн буюу нийт бүртгүүлэгчдийн 64,5 хувь нь оролцлоо.
Энэхүү шалгалт нь шалгуулагчдын мэдлэг ба ур чадварыг өглөөний болон өдрийн шалгалтаар тус тусад нь үнэлэн, уг хоёр шалгалтад хоёуланд нь тэнцсэн тохиолдолд тухайн шалгуулагчийг амжилттай дүн үзүүлсэнд тооцдог.
Шалгалтын дүнг үзүүлбэл:
| | Нийт шалгуулагчдын тоо | Амжилттай шалгуулагчид | |
| тоогоор | хувиар | ||
| Мэдлэгийн шалгалт (өглөөний) | 140 | 5 | 3.6 |
| Ур чадварын шалгалт (өдрийн) | 140 | 29 | 20.7 |
| Ерөнхий дүн | 140 | 3 | 2.1 |
Сорилын зарим статистикаас дурьдвал:
· Шалгалтад тэнцсэн 3 шалгуулагч нь 20-28 насны залуучууд байна.
· 20-21 насныхан нийт шалгуулагчдын дийлэнхи буюу 53 хувийг эзэлж байна.
· Шалгуулагчдын 90 хувь нь мэдээллийн технологийн чиглэлээр их дээд сургуульд суралцагчид болон төгссөн хүмүүс байна.
· Сорилд 2 дахь удаагаа оролцож байгаа хүмүүс нийт шалгуулагчдын 14.2 хувь нь байсан бөгөөд тэдгээрийн энэ удаагийн шалгалтын дүнг өмнөхтэй нь харьцуулахад өссөн үзүүлэлттэй байна.
· 2 удаагийн сорилд хоёуланд нь оролцон амжилт үзүүлсэн шалгуулагч нэг байна.
· Өглөөний шалгалтын 80 асуултын 45-д нь зөв хариултыг нь олонхи шалгуулагчид сонгосон байна.
· Өдрийн шалгалтанд тэнцэгчдийн 79.3 хувь нь програмчилалын JAVA хэлний асуултуудыг, үлдсэн 20.7 хувь нь C хэлний асуултуудыг сонгон хариулсан байна.
ITPEC-ийн гишүүн зарим орнуудын энэ удаагийн нэгдсэн шалгалтын дүнг үзүүлбэл:
| Улсын нэр | Шалгуулагчдын тоо | Амжилттай шалгуулагчдын тоо | Амжилтын хувь |
| Филиппин | 484 | 130 | 26.9 |
| Вьетнам | 440 | 99 | 22.5 |
| Тайланд | 222 | 24 | 10.8 |
No comments:
Post a Comment